Wararka naga soo Deegaanada Yaaq Bariweyne iyo Kaba hirig oo u dhaw Garoonka Belidoogle ee Gobolka Shabellaha Hoose ayaa sheegaya in halkaasi dagaal ku dhexmaray Kooxda macawiisley iyo dagaalamayaal katirsan Xarakada Al Shabaab.
Dagaalka ayaa yimid kadib markii dagaalamayaal katirsan Xaraka Al Shabaab ay weerar ku qaadeen deegaanada Yaaq-Bariweyne iyo Kaba-hirig halkaasi oo ay gacanta ku hayaan maleeshiyaad ka tirsan macawiisleey.
Goobjoogayaal ayaa noo sheegay in uu mudo socday dagaalka isla markaasna la maqlaayay dhawaqa rasaasta, waxaana jira khasaare ka dhashay dagaalka, balse aaga uu ka dhacay dagaalka oo aan loo dhawaan karin owgeed lama hayo tiradda rasmiga ee khasaaraha.
Kooxda la magac baxday Macwiisleyda iyo Al-shabaab ayaa dhowr jeer ku dagaalamay deegaano ka tirsan Shabellaha Hoose, waxaana dagaaladaas ka dhashay Khasaaro kala duwan.
Warkan iyo wixi kasoo kordha kala soco Halgan Media.
