‪Dad Shacab Ah oo Ku Wax Yeelobay Qarax Miino oo Ka Dhacay Gobolka Bay ‬

Wararka naga soo gaaraya Koonfurta Soomaaliya gar ahan gobolka Bay ayaa sheegaya inuu qarax miino ka dhacay degaanka Lafaale oo Ku yaalo duleedka magalaada Baydhabo.

Goobjoogayal kusugnaa halka uu qaraxa kadhacay ayaa Halgan Media u xaqijiyay in Miinada lagu aasay beero ku yaalo degaanka Lafaale, waxaana Minada ay kula kacday labo qof oo shacab ah.

Labada qof oo Ku dhawaacmay qaraxa ayaa la sheegay in mid kamid ah uu gacanta ka go’ay, halka u midka kalane lugta ka go’day sida ay Halgan Media u xaqijiyeen dad goobjoogayal.

Dadka Ku dhaawacmay qaraxa ayaa la geeyay isbitaalka weyn ee magalaada Baydhabo, waxeyna wararka kudarayan intaa in uu caafimadkooda aad u lito.

Halgan Media.