Wararka laga helayo galbeedka gobolka Sitti ayaa ku warramaya in saaka xiisad kacsanaan ah laga dareemayo duleedka degmada Danlaheylay ee gobolkaasi.
Xiisada oo ah mid xoogan, una dhexeysa ciidanka ismamuulka Canfaarta iyo Maleeshiyo Beeleed kasoo jeedo degmada Danlaheylay ee gobolka Sitti ayaa laga dareemayaa.
Waxaana lagu soo warramayaa in Ciidamadu dhaq dhaqaaqyo xoogan ay ka bilaabeen halkaasi. Sidoo kale dadka deegaanka ayaa wal wal xoogan ka muujinaya in dagaal uu ka qarxo halkaasi.
Ammaanka Xadka u dhaxeeyo Somalida iyo Canfaarta ayaa muddooyinkii dambe ahaa mid kacsan, iyadoona Maleeyshiyaadka Canfaarta siyaabo kala duwan ay dilal uga geysteen Shacabka Somalida degan Xaduudaha.
Warkan iyo wixi kasoo kordha kalasoco Halgan Media.
